Congregatio de Causis Sanctorum 53

eligendo, Ioannes Baptista Montini ad totius Ecclesiae regimen, arcano Dei

consilio, vocatus est, die 21 mensis Iunii, anno 1963. Qui in Beati Petri

Cathedra constitutus, Paulus, huius nominis Sextus, voluit appellari; proxi-

mique statim Decessoris sui vestigia persecutus est, eo magis quod ipso iure

intermissum Concilium resumi et continuari iussit. Dehinc paene innume-

rabilia ac miranda prorsus movit Christianae familiae Pater amantissimus,

quae, quanta ille de Ecclesia deque sua aetate flagraret sollicitudine, ipsa

indicio sunt. Ac ne plura consectemur, comprehendemus brevi; in quibus

prae primis memoranda ipsiusmet peregrinantis itinera, Apostolici muneris

causa suscepta, quae quidem cum ad Christianorum unitatem fovendam, tum

ad vindicanda primaria hominum iura maximi momenti evaserunt. Loca

sancta in Palaestina peragravit ibique Beatissimi Petri confessionem, fide

totius Ecclesiae collecta, Principis Apostolorum successor ipse redintegravit.

Unitarum Nationum Consilium, aetatis nostrae veluti Areopagum, pacis et

concordiae Palladium, Romanus ille Pontifex, rerum humanarum magister

peritissimus, ad praedicandum Evangelium omni creaturae, ad mortiferam

belli cladem in reliquum tempus avertendam atque tollendam, ad pacem

denique omnibus gentibus suadendam, praesens adiit immortalique profecto

oratione allocutus est. Dein, quinquagesimo exacto anno ex quo Beatissima

Deipara in convalle Iriensi, in Lusitania, pueris illis ovium custodibus se

conspiciendam dedit, quinto vero et vicesimo anno volvente post humanum

genus Immaculato Cordi Mariae ab Pio XII sollemniter consecratum, anno

1967, ad pacem Ecclesiae universoque mundo impetrandam, perillustre Fa-

timense sacrarium ipse invisit. Eodem anno, quem a fide ipse appellavit,

ad celebrandam Oecumenicarum Synodorum tum Constantinopolitanae tum

Ephesinae memoriam, itemque ad expletam redintegrandam communionem

inter Ecclesiam Occidentis et Ecclesiam Orientis, iter in Turcarum rem

publicam suscepit. Anno vero 1968 in Columbiam se contulit et Eucharis-

tici ex omnibus nationibus Conventus, Bogotae habiti, celebritatibus inter-

fuit. Denique, anno 1969, Ugandensium fines, profuso Sanctorum Martyrum

sanguine purpuratos, petivit, qui praesens significaret quam peculiari modo

gentes Africae, inedia, egestate diuturnisque discidiis afflictatae, Matri Ec-

clesiae sibique ipsi cordi essent. Praeterea summa hic Dei Famulus alacritate,

conscientia tamen et iudicio, cum doctrina cum ipsisque auctoribus aetatis