54. Diebus Dominicis.

1. Tripudiet

timentium Deum turma,

2 a. Eique vocis

nostrae iubilet camoena,

2b. Qui suis saeva

serenat mundi pericla

3 a. Et hos maris per invia
tute regit naufragia

3 b. Imbuens Aegyptiaca
in fluctibus molimina.

4 a. Sanctos ad amoena
supernae civitatis
ducit palatia,
In qua vita
et laetitia
floret interminata.

4 b. Ibi indivisa

sequuntur agnum clara

sanctorum milia,

Manu palmam

praeferentia

et caput laureata.

5. Quorum per suffragia
donetur optata
nobis a Christo venia.