Congregatio de Causis Sanctorum 609

CONGREGATIO DE CAUSIS SANCTORUM

GUAYAQUILENSIS

Canonizationis Beatae Narcissae a Iesu Martillo Morán Christifidelis laicae

(1833-1869)

DECRETUM SUPER MIRACULO

Beata Narcissa a Iesu Martillo Morán anno 1833 nata est in vico vulgo

Nobol, intra fines Archidioecesis Guayaquilensis in Aequatoria. Parentibus

orbata, illam in urbem se contulit ubi officium sartricis exercuit, et operibus

caritatis, orationi ac paenitentiae se dedit, exemplum persequens Sanctae

Mariae Annae a Iesu de Paredes. Anno 1868 Limae commorationem consti-

tuit apud monasterium Tertiariarum Dominicanarum et, quamvis laica, ea-

rum Regulam servavit, vitam communem participavit atque virtutes oboe-

dientiae, paupertatis castitatisque excoluit. Septem et triginta aetatis annos

agens, in Domino requievit die 8 mensis Decembris anno 1869.

Summus Pontifex Ioannes Paulus II die 25 mensis Octobris anno 1992

Beatae titulo eam honestavit.

Ad canonizationem respiciens, Postulatio Causae examini subiecit huius

Congregationis de Causis Sanctorum assertam miram sanationem puellae

Adelminae Victoriae Arellano Plúas, natae anno 1985 in Aequatoria, affectae

rara genitalium externorum deformatione, scilicet fusione parvorum vulvae

labiorum cum obstructione ingressus vaginalis; liberum tamen habentis vas

uretrale. Haec deformatio a variis medicis in re expertis comprobata erat inde

a primis annis vitae eius. Sectio quoque chirurgica facta est, negativo tamen

cum exitu. Condicio usque ad annum 1994 immutata mansit, prout confir-

mata est ex clinica inquisitione facta die 12 mensis Februarii illius anni.

Interea, iam a diversis inde annis mater Adelminae a Beata Narcissa a Iesu,

quam singulari devotione prosequebatur, instanter efflagitabat sanationem

filiae; quem ad finem saepe se conferebat in eius sepulcrum vici Nobol. Mane

diei 26 mensis Maii anno 1994 mater iterum recognovit dictam Adelminae

deformationem, priusquam in urbem Guayaquilium transferret eam ad visi-

tationem experto medico gynaecologo faciendam. Dum transirent prope vi-