Acta Apostolicae Sedis - Commentarium Officiale144

ad finem libenter suscepit: assiduis enim vexationibus operibusque subiectus

et inedia correptus, Servi Dei vires citius defecerunt, spes eius vero et fidens

suipsius vitae providenti Dei iustitiae oblatio, oratione et Eucharistia sufful-

tae, magis magisque corroborabantur; sicut et caritas eius proximi summo-

pere increvit et profundum animi sortisque solidamen cum comitibus capti-

vitatis eluxit.

Die 20 mensis Augusti anno 1942, iamiam inedia et sanguinis contagione

consumptus, Servus Dei in campo detentionis Dachoviae spiritum reddidit.

Post mortem documenta magni momenti ac testimoniis referta collecta

sunt, quae, politicis turbidis exactis, fundamentum Inquisitionis dioecesanae

super martyrio Servi Dei efformavit, quae apud Curiam Herbipolitanam a

mense Februarii anno 1992 ad mensem Octobris anno 1998 celebrata est,

cuius auctoritas et vis iuridica a Congregatione de Causis Sanctorum Decreto

diei 17 mensis Ianuarii anno 2003 probatae sunt. Positione confecta, iuxta

suetum morem, die 6 mensis Februarii anno 2009, in Congressu Peculiari

Consultorum Theologorum prospero cum exitu disceptatum est an Servi

Dei mors verum martyrium fuisse.

Patres Cardinales et Episcopi in Sessione Ordinaria diei 26 mensis Maii

anno 2009 habita, audita relatione Excellentissimi ac Reverendissimi Domini

Petri Iacobi De Nicolò, Archiepiscopi titularis Martanaënsis, agnoverunt

Servum Dei in odium fidei ob fidelitatem erga Christum ab ipso confessam

interemptum esse.

De hisce omnibus rebus, referente infrascripto Archiepiscopo Praefecto,

certior factus, Summus Pontifex Benedictus XVI, vota Congregationis de

Causis Sanctorum excipiens rataque habens, hodierno die declaravit: Consta-

re de martyrio eiusque causa Servi Dei Georgii Häfner, sacerdotis dioecesani, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis