56 Acta Apostolicæ Sedis - Commentarium Officiale

creditum gregem ad aeternae vitae pascua perduceret omne omni tempore

studium atque omne ingenium contulit. De quo sic Benedictus XVI, successor

eius: « Vere dicere possumus, - inquit - Beato Paulo Apostolo monente, gra-

tiam Dei in hoc vacuam non fuisse ( 1 Cor 15, 10), quippe quae magni virum

ingenii, Ecclesiae hominumque amantissimum, exaltaverit. Dum enim Deo

de praeclaro nobis dato Pontifice grates agimus, huius praeceptis sapienter

uti contendimus » ( Cum orationi "Angelus Domini" recitandae praeesset, die

3 mensis Augusti, anno 2008).

Sed tot tantisque laboribus fractus, brevi morbo temptatus, Catholicae

Ecclesiae cunctaeque hominum societatis Pater, dum dominicam orationem

maxima cum pietate recitat, Arce Gandulfi, prope Romam, die 6 mensis

Augusti, anno 1978, sanctissime obdormivit in Domino.

Itaque increbrescente fama sanctimoniae, in huius Urbis Vicariatu, a

die 11 mensis Aprilis, anno 1993, ad diem 18 mensis Martii, anno 1999,

et per rogatoriales Litteras Mediolani et Brixiae, anno 1994 proximoque

deinceps vertentibus, iure statutae Inquisitiones sunt peractae; quas omnes

et singulas haec ipsa Congregatio de Causis Sanctorum, edito Decreto die

24 mensis Septembris, anno 1999, legitime probavit. Praeparata igitur Po-

sitione, tralaticio more inita est disquisitio, an Dei Famuli virtutes, quas

theologales, cardinales iisque adnexas vocant, heroicum gradum attigissent;

de quibus in Peculiari, qui dicitur, Theologorum Consultorum Congressu,

die 29 mensis Septembris, eodem hoc vertente anno, prospere habito, ac-

tum est. Quod quidem dubium propositum est in Sessione Ordinaria, quae

proxime elapso die 10 mensis Decembris gesta est, cui praefui ego Angelus

Cardinalis Amato, Congregationis de Causis Sanctorum Praefectus. Omnes

autem, qui adfuerunt, tum Patres Cardinales tum Sacrorum Antistites Causis

Sanctorum tractandis praepositi, ipsius Famuli Dei virtutes, sive theologales

sive cardinales, iisque adnexas, ad gradum heroicum pervenisse, cunctis

quidem suffragiis, affirmarunt.

Facta demum de hisce omnibus rebus Summo Pontifici Benedicto XVI

per me subscriptum Cardinalem Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die edixit: Constare de virtutibus theologalibus Fide, Spe et Ca-

ritate tum in Deum tum in proximum, necnon de cardinalibus Prudentia,