Congregatio de Causis Sanctorum 611

FLORENTINA

Beatificationis et canonizationis Ven. Servae Dei Caelestinae a Matre Dei (in saec.:

Mariae Annae Donati), Fundatricis Congregationis Filiarum Pauperum a S. Iose-

pho Calasanctio (1848-1925)

DECRETUM SUPER MIRACULO

Venerabilis Serva Dei Caelestina a Matre Dei (in saec.: Maria Anna Do-

nati) Marradii in provincia Florentiae die 26 mensis Octobris anno 1848 nata

est. Iam inde a iuventute fervorem vitae consecratae persequendae percepit

et votis privatis se Ordini Clericorum Regularium Pauperum Matris Dei

Scholarum Piarum sociavit. Florentiae Congregationem Filiarum Pauperum

a Sancto Iosepho Calasanctio fundavit pro puellis orphanis filiabusque cap-

tivorum assidendo. Institutum prudentia, humilitate et caritate rexit. Die 18

mensis Martii anno 1925 pie in Domino quievit. Summus Pontifex Ioannes

Paulus II, die 6 mensis Aprilis anno 1998, Servam Dei virtutes theologales,

cardinales et his adnexas heroico gradu coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum nuper assertam subiecit miram sanationem Sororis An-

cillae Emanuelli, religiosae professae ex Instituto Filiarum Pauperum a Sanc-

to Iosepho Calasanctio, quae, anno 1956, dum vicesimum quintum explebat

aetatis annum, paralysim quandam in artibus animadvertere coepit, quae

mox in progredientem virium amissum usque ad impediendam sane deambu-

lationem vertit. In valetudinarium ergo Florentiae pro infirmitatibus nervo-

rum mentisque curandis infirma recepta est, ubi medici diagnosim encephali

medullaeque spinalis inflammationis subacutae et ubique propagatae edixe-

runt. Post temporarium profectum, aegrotae iterum opus fuit receptus in

nosocomio, de quo dimissa est cum diagnosi sclerosis systematis nervosi cen-

tralis cum diffuso detrimento myelinae.

Anno 1960, ingravescente difficultate deambulationis, cui etiam oculorum

invita nutatio seu nystagma accessit, infirma iterum in valetudinarium re-

cepta est. Curae, quae expletae sunt, nullo modo signa morbi, supradictae

sclerosi adscripta, mutare valuerunt. Interdum vero condiciones Sororis trac-

tim in gravius verterunt: amplius stare adeo nequivit, ut omnino lecto iacere