Congregatio de Institutione Catholica 145

CONGREGATIO

DE INSTITUTIONE CATHOLICA

DECRETUM

super

reformatione studiorum ecclesiasticorum Philosophiae

I. Contextus hodiernus

1. Ad operam intendens mundum evangelizandi, Ecclesia observanter et

diligenter observat celeres mutationes culturales, quae eam totamque huma-

nam societatem contingunt. Inter has culturae dominantis immutationes,

nonnullae profundiores attinent ad notionem veritatis. Nam multoties repe-

ritur diffidentia de humanae intellegentiae facultate obiectivam ac universa-

lem attingendi veritatem, qua homines vitam suam dirigere possint. Effectus

praeterea scientiarum humanarum necnon progressus scientifici ac technolo-

gici consectaria novas suscitant Ecclesiae provocationes.

2. Per Litteras encyclicas Fides et ratio Summus Pontifex Ioannes Pau-

lus II confirmare voluit philosophiam necessariam esse ut homo in veritatis

cognitione progrediatur atque suam exsistentiam in terris humaniorem usque

reddat. Philosophia reapse ''adiuvat ut et interrogatio ponatur de vitae sensu

et ei responsio iam adumbretur''.1 Haec interrogatio profluit tum ex admi-

ratione qua homo afficitur coram personis et universo, tum ex experientiis

doloris et cladis quae vitam eius affligunt. Philosophia igitur ''unum ipsa

reperitur nobiliorum hominis munerum''.2

1 Litt. enc. Fides et ratio (14 Septembris 1998), 3: AAS 91 (1999), 5-88. Has per Litteras,

Ioannes Paulus II mentem convertit ad argumentum ipsum veritatis eiusque fundamentum

quod spectat ad fidem, persequens easdem meditationes quas per Litt enc. Veritatis splendor

(6 Augusti 1993) praebuerat circa veritatem in ambitu morali (cfr. Fides et ratio, 6) quae includit

etiam quasdam veritates fundamentales rationales. 2 Fides et ratio, 3.