cogeretur; sicut et, nervis oculariis praesertim a dextera parte laborans, fa-

cultatem visionis iamiam amiserat.

Inertia scientiae perpensa, infirma ipsa cum superiorissis et consororibus

suis instanter fidenterque ad divinum auxilium per intercessionem Servae

Dei Caelestinae a Matre Dei, in omnibus diversis domibus Congregationis

ab ipsa erectis pie exoratae, confugere incepit. Et contra omnem medicorum

prudentiam, mense Iulio anno 1961, valetudo Sororis Ancillae mire proficere

coepit: vires et vigor redierunt, lecto desurrexit et incessit quoque, primum

ad adminiculum adnitens, ut gressus moveret, dein suis solis utens viribus.

Dein, mense Septembri anno 1961 completam valetudinis redintegrationem

adepta est, quando navitatem suam magistrae in schola materna recuperavit.

De hac mira aestimata sanatione, annis 1997-1998, apud Curiam Archi-

dioecesis Florentinae Inquisitio dioecesana celebrata est, cuius auctoritas et

vis iuridica ab hac Congregatione de Causis Sanctorum decreto diei 9 mensis

Martii anno 2001 probatae sunt. Dicasterii Collegium Medicorum in sessione

diei 20 mensis Octobris anno 2005 sanationem a sclerosi systematis nervosi

centralis cum diffuso detrimento myelinae rapidam, completam et duratu-

ram fuisse affirmavit, cum restitutione ad integrum ob defectum reliquorum

signorum clinicorum, licet alterationes quaedam examinibus cerebri ultraso-

norum ope et magnetica vi instructis inspici possent, quae vero utpote effec-

tus inertes et sine efficacia clinica habitae sunt, sanationem scilicet inexpli-

cabilem secundum scientiam medicam. Die 14 mensis Februarii anno 2006

Congressus Peculiaris Consultorum Theologorum factus est et die 20 mensis

Februarii huius anni 2007 Sessio Ordinaria Patrum Cardinalium et Episco-

porum Ponente Causae Exc.mo Domino Andrea Maria Erba, Episcopo eme-

rito Veliterno-Signino. Et in utroque Coetu, sive Consultorum sive Cardina-

lium et Episcoporum, posito dubio an de miraculo divinitus patrato

constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Caelestinae a Matre Dei (in saec.: Mariae Annae Donati), Funda-

tricis Congregationis Filiarum Pauperum a S. Iosepho Calasanctio, videlicet de

rapida, completa ac duratura sanatione Sororis Ancillae Emanuelli a « sclerosi a

placche ».

Acta Apostolicae Sedis - Commentarium Officiale612