59. Contra Paganos.

1 a. Orbis, Christe, dominator
Ac regnorum moderator,
Cuncta regens entia,

1b. Laudis nostrae praeconium
Nunc attende, rex omnium,
Paterna clementia.

2 a. Taeter Turcer, vas Satanae,

Machometi sectae vanae

Cultor et idolatra,

2 b. In hos dies insectatur
Tuos greges et pra edatur
Perditione taetra.

3 a. Summe Deus,

summa divinitas,
Quem lactavit
matris virginitas,
Deice superbum,

3 b. Quem replevit

Satanae falsitas,
Vas horrendum,
fera crudelitas,

Pseudo tam acerbum.

4 a. O Maria,

regina caelorum,
O Michael,

iactator telorum,
Caesor Luciferi,

4 b. Huius canis

trucis saevitiam
Comprimite

necnon potentiam
Leonis tam feri.

5 a. Heu, vineam

Domini vastavit
Ferus aper,

quam Deus plantavit;
Fideles plangite!

5 b. Saepem tulit

atque propagines,
Hic sanctorum
trivit imagines ;
Sancti succurrite !

6 a. Confidite cuncti

credentes in Deum,
Superavit quondam
David Iebusaeum
Atque Philistaeos;

6 b. Iustus Ezechias
Assirios trivit,
Prece Maccabaeus
Graecos deterruit,
Iesus Chananaeos.

7 a. Etsi tuam, Deus
iram meruimus,
Miserere pie,
deiectis ovibus
Da veniae rorem ;

7b. In gentes et regna,

quae te non noverunt
Et quae nomen tuum
non invocaverunt,
Effunde furorem.

8 a. Ergo rege tuos

fideles, O Christe,
Qui sunt decertantes
crucis agonistae,
Data victoria;

8b. Hoste superato

da pace gaudere,
Da nube detecta
faciem videre
In caeli gloria.