Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis

PALAIENENSIS

Canonizationis Beatae Alfonsae ab Immaculata Conceptione (in saec.: Annae Mut-

tathupadathu) Sororis professae Congregationis Clarissarum Tertii Ordinis Sancti

Francisci (1910-1946)

DECRETUM SUPER MIRACULO

Beata Alfonsa ab Immaculata Conceptione (in saec.: Anna Muttathupa-

dathu) die 19 mensis Augusti anno 1910, in loco, quem Kudamaloor appellant,

quique in civitate Kerala, in India, genere Syro-Malabarensem ritum obser-

vante, orta est. Quae, propositi sese Deo mancipandi tenax, coniugio recusa-

to, Congregationem Clarissarum Tertii Ordinis Sancti Francisci in loco, qui

Bharananganam audit, nunc intra Palaiensis eparchiae fines, ingressa, sacra

vota nuncupavit anno 1932. Cum autem gravibus infirmitatibus temptare-

tur, sibi creditum magistrae munus deponere habuit; nihilominus aerumnas,

tam corporis quam animi, complures, quas ipsa, mundi ad sanctitatem ad-

ducendi causa, Deo libenter offerebat, tacita caritate ad instar crucis pertulit,

pioque fine requievit die 28 mensis Iulii anno 1946.

Cui lectissimae virgini Ioannes Paulus II, Summus Pontifex, Beatorum

caelitum honores decrevit die 8 mensis Februarii anno 1986.

Congregatio de Causis Sanctorum 613