Congregatio de Causis Sanctorum 615

roris professae Congregationis Clarissarum Tertii Ordinis S. Francisci, videlicet

de celerrima, perfecta ac stabili sanatione infantis Ginil Shaji Ozhuthottiyl a

« piede torto congenito bilaterale, più accentuato a sinistra, con deambulazione

fortemente alterata ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis

NOVARIENSIS

Beatificationis et Canonizations Ven. Servi Dei Antonii Rosmini Sacerdotis pro-

fessi ac Fundatoris Instituti Caritatis et Congregationis Sororum a Providentia

(1797-1855)

DECRETUM SUPER MIRACULO

Venerabilis Servus Dei Antonius Rosmini die 24 mensis Martii anno 1797

Roboreti, archidioecesis Tridentinae, natus est. Anno 1821 presbyter est or-

dinatus et anno 1828 Institutum Caritatis condidit, cuius est spiritualem,

intellectualem et materialem caritatem profiteri. Ulterius instituit Congrega-

tionem Sororum a Providentia. Haec sua opera sapienter duxit ac ferventer

frugifereque sacro incubuit ministerio, praesertim uti magister vitae spiritua-

lis, cogitator et scriptor philosophiae, theologiae aliarumque disciplinarum,

quibus in muneribus assensus invenit, et quidem quoque discrepantias, quas

patienter ac serene pertulit, doctrinae catholicae et Ecclesiae magisterio fi-

delis semper permanens. Piissime obiit die 1 mensis Iulii anno 1855, filiorum

filiarumque spiritualium veneratione circumdatus.