Congregatio de Institutione Catholica 149

fundamentorum eius philosophicorum discrimine supra modum provenit [...].

Cum fundamenta philosophica non collustrantur, deest theologiae terra firma

sub pedibus. Quoniam igitur non bene patet quousque homo realitatem

reapse cognoscat nec qualia sint fundamenta, de quibus initium sumens,

cogitare et loqui possit''.20

10. Praeparatio denique philosophica peculiarem in modum constituit

''essentiale quoddam intellectualis formationis momentum'' pro futuris sacer-

dotibus: ''una dumtaxat rectaque philosophia iuvare valet petitores sacerdo-

tii ad reflexam adquirendam conscientiam rationis intercedentis inter huma-

num animum et veritatem: quae nobis veritas nusquam plene nisi in Christo

revelatur''.21 Etenim confirmatur ''philosophiae disciplinam praecipuum ha-

bere momentum quod abstrahi non potest in studiorum theologicorum ratio-

ne et in sacrorum alumnorum institutione. Haud igitur inconsiderate studio-

rum theologicorum curriculum antecedat temporis quoddam spatium, quo

peculiare philosophiae ediscendae praevideatur opus''.22

11. Idonea institutio philosophica apud Instituta academica ecclesiastica

implicet oportet tam ''habitus'' intellectuales quam materias. Cum ratio in-

tellectuales, scientificos et sapientiales ''habitus'' assequitur, indicia empirica

transcendere potest. Praesertim disceptatio intellectualis in multiformi socie-

tate, relativismo ideologiisque vehementer afflicta, vel in societate ubi au-

thentica deest libertas, postulat ut studentes in Facultatibus ecclesiasticis

solidam formam mentis philosophicam acquirant. Hi ''habitus'' ansam prae-

bent ad cogitandum, cognoscendum et subtiliter ratiocinandum necnon ad

dialogum cum omnibus acriter intrepideque ineundum. Habituum autem

dimensio consociatur cum apprehensione materiae firmiter comparatae, id

est profluit ex cognitione ac altiore perspectione veritatum maioris momenti,

quae deprehenduntur per studium philosophicum, divina Revelatione inter-

dum auxiliante. Ad solidam et cohaerentem cognitionem hominis, mundi et

Dei acquirendam,23 talis dimensio requirit ut institutio philosophiae fundetur

''in patrimonio philosophico perenniter valido'', explicato per saeculorum

20 J. Ratzinger, ''L'unità di missione e persona nella figura di Giovanni Paolo II'', 1998,

in Id., Giovanni Paolo II. Il mio amato predecessore, Città del Vaticano, et Cinisello Basalmo

2007, 16. 21 Ioannes Paulus II, Adhort. ap. postsynodalis Pastores dabo vobis (25 Martii 1992), 52:

AAS 84 (1992), 657-804. 22 Fides et ratio, 62; cfr. Ratio fundamentalis institutionis sacerdotalis (19 Martii 1985), 59-61. 23 Cfr. Conc. Oecum. Vat. II, Decr. de institutione sacerdotali Optatam totius, 15.