Acta Apostolicae Sedis - Commentarium Officiale616

Summus Pontifex Benedictus XVI die 26 mensis Iunii anno 2006 decla-

ravit Servum Dei heroico in gradu theologales, cardinales eisque adnexas

virtutes excoluisse.

Ad beatificationem quod attinet, Postulatio Causae iudicio huius Congre-

gationis de Causis Sanctorum assertam subiecit miram sanationem Sororis

Ludovicae Noè, natae anno 1879, sodalis Congregationis Sororum a Provi-

dentia. Soror haec bona utebatur valetudine usque ad annum 1908, quo

vehementibus doloribus columnae vertebralis, inflammatione cruris dexteri

necnon sciatico est correpta. In valetudinarium oppidi Biella excepta, certior

facta est tuberculosi ossea ad pelvim affici. Simulque in regione dorsali sunt

additi abscessus vertebrales qui aperti sunt et sanati. Periodos tam bonae

quam adversae valetudinis transegit usque ad annum 1926. Hoc anno vale-

tudinis condiciones Sororis Ludovicae paulatim in deterius ruere coeperunt,

quae tuberculosi ossea, intestinali et pleuro-pulmonari secundaria, gravi im-

plicatione status generalis, absentia appetitus, constanti febri et violentis

abdominis doloribus tunc afficiebatur. Inefficacia curationum et condicio

morbi iam nunc progressa medicum a cura impulerunt ut infaustam ediceret

prognosim ad breve tempus. Aegrota tamen spem non amisit, etenim die 1

mensis Ianuarii anno 1927 novendiales supplicationes effundere coepit ad

Servum Dei Antonium Rosmini ut per ipsius intercessionem sanationem ob-

tineret. Summa cum fiducia die 6 mensis Ianuarii eiusdem anni, hora unde-

cima, dum oraret, imaginem Servi Dei, quae vix erat ei tradita a Moderatrice

Generali Instituti, sibi imposuit in regionem infirmam. Ex improviso sana-

tam se sensit, et post unius horae spatium e lecto surgere potuit et propriis

viribus incedere. Signa morbi, quibus tot per annos vexata erat, prorsus

evanuerunt, quapropter Soror communem vitam resumere potuit.

De sanatione, quae statim mira est habita, apud Curiam Novariensem

instructus est anno 1927 Processus Ordinarius, ac postea, anno 2004, Inqui-

sitio dioecesana, quae valida agnita est ex iure per decretum huius Congre-

gationis die 28 mensis Ianuarii anno 2005 editum. Medicorum Dicasterii

Consilium, in sessione diei 12 mensis Octobris anno 2006, declaravit sanatio-

nem morbi tubercularis ossei, pleuro-pulmonaris et intestinalis repentinam,

perfectam, constantem et ex scientiae legibus inexplicabilem fuisse. Die 19

sequentis mensis Decembris actus est Congressus Peculiaris Consultorum

Theologorum et die 6 mensis Martii huius anni 2007 habita est Sessio Ordi-

naria Patrum Cardinalium et Episcoporum, ponente Causae Exc.mo D.no

Salvatore Fisichella, Episcopo titulo Vicohabentino. Et in utroque Coetu,