63. In Consecratione Altaris portatilis.

1 a. Ad honorem salutaris
Celebratur haec altaris
Sacra dedicatio.

1b. Dulci voce, mente tota
Christo solvat laudum vota
Nostra praesens contio.

2 a. Abel primum hoc altare
In figura rubricare
Vovit novo sanguine;

2 b. Istud Noe figuravit,
Abraham hoc fabricavit,
Viso Dei numine.

3 a. Melchisedech hoc altari
Panem, vinum consecrari
Docuit in mystico.

3 b. In hoc Iacob aecubatus
Est in scala delectatus
Aspecta angelico.

4. Elevatus bac statera
Agnus serpens dat revera
Sanitatem populo.

5 a. Umbra cedit et figura,
Revelentur ut obscura
Patet legis scrinium,

5 b. Quae monstravit figurate
Sub occulta veritate

Christum, finem omnium.