Congregatio de Causis Sanctorum 617

sive Consultorum sive Cardinalium et Episcoporum posito dubio an de mi-

raculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven. Servi

Dei Antonii Rosmini, Sacerdotis professi ac Fundatoris Instituti Caritatis et

Congregationis Sororum a Providentia, videlicet de repentina, perfecta et con-

stanti sanatione Sororis Ludovicae Noè a «malattia tubercolare diffusa (ossea,

pleuro-polmonare, intestinale) ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis

RUREMUNDENSIS

Beatificationis et Canonizationis Ven. Servae Dei Iosephae Stenmanns (in saec.:

Hendrinae) Confundatricis Congregationis Servarum Spiritus Sancti (1852-1903)

DECRETUM SUPER MIRACULO

Venerabilis Serva Dei Iosepha Stenmanns (in saec.: Hendrina) in oppido

Issum, dioecesis Monasteriensis, in Germania, die 28 mensis Maii anno 1852

nata est. Una cum Beata Maria Helena Stollenwerk Sancto Arnoldo Janssen

adstitit in Congregatione Servarum Spiritus Sancti fundanda, in qua dein

anno 1894 professionem religiosam emisit. Institutionem Sororum, praeser-

tim earum quae navitati missionariae addicturae essent, omni studio curavit.