64. In Desponsatione BMV.

la. Psallat mundus,

Gestiat omnis animus
In hac die,

1b. Quae dicatur

Desponsatione loseph
Et Mariae.

2 a. Caelices sunt nuptiae,
Supra quae fari possunt
Auspicatae,

2 b. Ubi est conubium
Verum omni redolens
Castitate,

3 a. Sicut fragrat lilium,

Et tanquam cinnamomum
Et balsamum.

3 b. Salomonis lectulum
Vincit semper floridum
Velut pratum.

4 a. Benedictae nuptiae,

Quandoquidem sunt primae
Luca teste;

4 b. Sanctus enim Simeon
Benedixit spiritu
Impellente

5 a. Deiparam cum sponso
Et ore fatidico
Dicens in ruinam
Fore natum

5 b. Israelis populo,
In contradictionis
Esse multis positum
Signum Christum.

6 a. Rogemus filium
Per matris meritum,
Ut facinoris
Tollat naevum,

6 b. Et in eius regnum
Cum beatis locum
Possideamus
In aeternum.