Congregatio de Causis Sanctorum 619

Episcoporum, Ponente Causae Exc.mo Domino Lino Fumagalli, Episcopo

Sabinensi-Mandelensi. Et in utroque Coetu, sive Consultorum sive Cardina-

lium et Episcoporum, posito dubio an de miraculo divinitus patrato consta-

ret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Iosephae Stenmanns (in saec.: Hendrinae), Confundatricis Congre-

gationis Servarum Spiritus Sancti, videlicet de valde repentina, completa ac

duratura sanatione Valdiri Bender a « grave insufficienza cardiorespiratoria

con shock settico, anuria e coma profondo, da occlusione intestinale post appen-

dicectomia, per erronea sutura di alcune anse alla parete addominale ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis

OPOLIENSIS

Beatificationis et Canonizationis Ven. Servae Dei Mariae Merkert, Confundatricis

et Primae Antistitae Generalis Congregationis Sororum a S. Elisabeth (1817-1872)

DECRETUM SUPER MIRACULO

Venerabilis Serva Dei Maria Merken die 21 mensis Septembris anno 1817

in urbe Nysa, tunc in dioecesi Vratislaviensi, orta est. Post matris mortem, se

quibusdam cum sociis adiumento dicavit domiciliari pauperum, aegrotorum

et a societate segregatorum, pro quibus, simul cum Clara Wolff, Congrega-

tionem condidit Sororum a Sancta Elisabeth, quam sapienter veluti prima