65. In Visitatione BMV.

1 a. Laetetur hodie
Matris ecclesiae
Sancta devotio;

1 b. Colitur Mariae,
Iesu matris piae,
Nunc visitatio.

2 a. Ipsa cum filio
In supercilio
Montis apparuit.

2b. Deus in virginem
Iohannem hominem
Prophetam astruit.

3 a. Adest prae oculis
Ventris latibulis
Verbi divinitas,

3 b. Illustrans Mariam
Matremque vetulam
Solaris claritas.

4 a. Duo in gloria
Parvuli gratia

Praesentes assistunt:

4b. Unus in Maria,
Alter in vetula,
Qui pie adplaudunt.

5 a. Anus prae gaudio
Rupto silentio
Visis miraculis

5 b. Sermonem conficit,

Fructum benedicit

Mariae virginis.

6 a. De ventris medio
Mater de filio

Dat testimonium ;
Maria provide
Magnificat inde

Dei praeconium.

6 b. Solem iustitiae
Senserunt hodie

Mentales oculi;
Haec pia gaudia
Nobis dent praemia

Futuri saeculi.

7 a. O virgo Maria,
Assit hic gratia
Tua in praesenti,

7 b. Nobis ut devia
Vitentur omnia
A fide fulgenti.

8 a. O Iesu Domine,

Per matrem Mariam
Concessa venia

8 b. In tuo nomine

Nos per rectam viam
Deduc in gloria.