Acta Apostolicae Sedis - Commentarium Officiale154

Primum biennium praesertim impendendum est solidae institutioni phi-

losophicae, quippe quae necessaria sit ad studium theologiae congrue obeun-

dum. Baccalaureatus adeptus in ecclesiastica Facultate Philosophiae substi-

tuit cursus philosophicos primi cycli consequendos in Facultatibus

Theologiae. Baccalaureatus autem in Philosophia adeptus in Facultate non

ecclesiastica ratio non est plane dispensandi studentem a primi cycli cursibus

philosophicis in Facultatibus Theologiae.

Disciplinae theologicae ita tradantur ut organica expositio totius doctrinae

catholicae praebeatur, una cum introductione in methodum scientificae investi-

gationis.

Cyclus concluditur gradu academico Baccalaureatus vel alio congruo, in

Statutis Facultatis determinando.

Art. 81 [Curriculum studiorum in ecclesiastica Facultate Philosophiae]

a) primum cyclum, institutionalem, in quo, per triennium, seu sex semes-

tria, cohaerens fit expositio variarum philosophiae partium, quae de mundo,

homine et Deo tractant, necnon historiae philosophiae, una cum introductione

in methodum investigationis scientificae;

b) secundum cyclum, inchoatae specializationis, in quo, per biennium seu

quattuor semestria, specialibus disciplinis et seminariis consideratio philosophi-

ca profundius instituitur in aliqua philosophiae parte;

c) tertium cyclum, in quo, saltem per tres annos, maturitas philosophica

promovetur, praesertim dissertationis doctoralis elaboratione.

Art. 82 [Tituli collati]

Primus cyclus concluditur Baccalaureatu, secundus Licentia specializata,

tertius Doctoratu.

Art. 83 [diplomata a studentibus exhibenda]

Ut quis in primo cyclo Facultatis Philosophiae adscribi possit, oportet antea

studia requisita absolvisse ad normam art. 32 huius Constitutionis Apostolicae.

Si studens quidam, qui cursus ordinarios philosophiae primi cycli Facul-

tatis Theologiae feliciter peregerit, deinde studia philosophica prosequi