Congregatio de Institutione Catholica 155

voluerit ad Baccalaureatum in ecclesiastica Facultate Philosophiae obti-

nendum, ratio necessario habenda est de cursibus in praedicto curriculo

frequentatis.

Normae applicativae (Ordinationes)

Art. 51. 1º a) [Curriculum studiorum Facultatis Theologiae]

Disciplinae praescriptae sunt:

1º In primo cyclo:

a) Disciplinae philosophicae ad theologiam requisitae, quales sunt in

primis Philosophia systematica et historia philosophiae (antiqua, mediaevalis,

moderna, hodierna). Methodus systematice docendi, praeter introductionem

generalem, partes principales philosophiae complecti debet: 1) metaphysicam

(i.e. philosophiam entis et theologiam naturalem), 2) philosophiam naturae,

3) philosophiam hominis, 4) philosophiam moralem et politicam, 5) logicam

et philosophiam cognitionis.

Humanis scientiis exclusis, disciplinae stricte philosophicae (cfr. Ord.,

Art. 60, 1º a) sexaginta centesimas saltem partes constituant oportet credi-

torum ex primis duobus annis. Pro singulis annis requirendus est numerus

creditorum quae respondeant spatio unius anni studiorum universitariorum

pleno tempore.

Valde praeoptandum est ut cursus philosophici primis annis institutionis

philosophicae-theologicae persolvantur. Haec philosophica studia, intuitu

studiorum theologiae peracta, cum cursibus introductionis theologiae per

hoc biennium coniungentur.

Art. 52

In quinquennio institutionali primi cycli sedulo curandum est ut omnes

disciplinae eo ordine, amplitudine ac propria methodo tractentur ut harmonice

et efficaciter ad finem conspirent tradendi studentibus solidam, organicam et

completam institutionem in re theologica, qua apti fiant tum ad superiora studia

prosequenda tum ad certa ecclesiastica munera rite exercenda.