Acta Apostolicae Sedis - Commentarium Officiale622

deficere, adnumerandae sunt Famulae Dei Emmanuela a Corde Iesu (in saec.:

Emmanuela Arriola Uranga) eiusque XXII Sociae, religiosae et cooperatrices

laicae Instituti Ancillaram Adoratricum SS.mi Sacramenti et Caritatis, quod

condiderat Sancta Maria Michaëla a SS.mo Sacramento (in saec.: Michaëla

Desmaisières, ab anno 1809 ad annum 1865 vixerat). Anno vero 1936, perse-

cutione contra Ecclesiam in Hispania exardescente, Sorores hae suam quae-

que sodalitatem relinquere habuerunt, Matritum, in privatam aediculam,

confugientes, quo receptae sunt etiam sex « Filiae Domus », seu laicae coope-

ratrices eidem Instituto aggregatae. Quae omnes, difficultatibus contemptis,

hostias, clam a quodam sacerdote consecratas, non dumtaxat accipere, sed

domi celare poterant. Eucharistia enim et oratione nixae, acerbo casu, dum

ingruens martyrium subire parant, constantissime perfungi valuerunt. Qua-

rum pars, licet in tutum se recipere potuisset, eundem, quem sociae, casum

omnino ferre maluit. Itaque die 9 mensis Novembris eodem anno 1936 incur-

rentibus seditionariis militianis cum fortiter semetipsas Domino obstrictas

declarassent, captae, in via, quae Matrito ad locum vulgo dictum Vicálvaro

proficiscenti est, postridie sub lucem ad unum omnes interfectae sunt, in ipso

obitu arridentes Deoque benedicentes.

Ex praefatis Dei Servis:

A. Religiosae mulieres ex Instituto Ancillarum Adoratricum SS.mi Sacra-

menti et Caritatis recensentur:

1. Emmanuela a Corde Iesu (in saec.: Emmanuela Arriola Uranga) die 29

mensis Decembris anno 1891 in loco qui Ondárroa vocatur, in sacra dicione

Victoriensi, piissima familia orta est. Temporaria vota die 18 mensis Maii

anno 1919, perpetua vero die 19 mensis Maii anno 1924, nuncupavit, quae,

munere magistrae in domibus aliquot functa, ab anno 1929 usque ad tempus,

quo sanguinem pro Christo effudit, Secretariae Generalis munus gessit. Ulti-

ma ipsa, dum Sociabus suisque carnificibus benedicebat, interfecta est.

2. Blasia a Maria (in saec.: Ioanna Francisca Pérez de Labeaga Garcı́a),

die 27 mensis Ianuarii anno 1864, in loco vulgo dicto Desojo, intra fines

dioecesis Calaguritanae, in lucem edita, temporaria vota die 20 mensis Septem-

bris anno 1888, perpetua vero die 22 mensis Maii anno 1891 nuncupaverat.

3. Lucilia Maria a Iesu (in saec.: Lucia González Garcı́a), die 2 mensis

Martii anno 1908 in loco vulgo dicto San Esteban del Valle, in dioecesi Abu-

lensi, nata, temporaria vota die 18 mensis Decembris anno 1932, perpetua

vero mense Iulio anni 1936 nuncupaverat.