70. De Gaudiis BMV.

1 a. Gaude, virgo confirmata,
Quae es matri nuntiata:
Fit pura conceptio.

1b. Gaude, sancta clara nata,
Fulgens templo praesentata,
Mundum reples gaudio.

2 a. Gaude, virgo salutata
Per angelum, fecundata
Concepisti filium,

2 b. Gaude, Deo impraegnata,
Elisabeth visitata
Promit vaticinium.

3 a. Gaude, nunc Iohanne nato,
Rege caeli generato,
Caeli gaudet gloria.

3 b. Gaude, prole adorato,
Et in templo praesentato,
Reducis in patria.

4 a. Gaude, Iesu baptizato,
Et nuptiis vino dato,
Mortuis surgentibus.

4b. Gaude, Christo resurgente
Et in caelum ascendente
Missus sanctus spiritus.

5 a. Gaude, tecum et laetatur
Mundus, post tunc consolatur
Doctrinis et opibus.

5b. Gaude, caelo tunc assumpta
Et post cum corpore iuncta
Anima stat caelitus.

6 a. Gaude, summo caeli throno
Regina collocata
Empirio luminoso
Ad regem elevata;

Gb. Gaude, corpore dotata
Dotibus gloriosa,
Aureolis coronata,
Fecunda, fructuosa.

7 a. Gaude, filio coniuncta
Carne quietissima,
Cum beatis sociata
Sede iucundissima.

7 b. Gaude, intus potentibus
Sensibus lucernata,
Optimis appetitibus
Perfecte sociata.

8 a. Gaude, ex perfectione
Suprema intellectus,
Grata contemplatione
Memoriae respectus.

8 b. Gaude, Dei voluntate
Ardenter concordata,
Omni operatione

Ad nutum confirmata.

9 a. Gaude, dotibus animae
Praecellenter dotata,
Clarissima visione
Sole plus illustrata.

9 b. Gaude, samma caritate
Inflammata maxime,
Comprehensa maiestate
Divina firmissime.

10 a. Corona fulgentissima
His aureis fuleita,
Regina praecelsissima
Imperatrix Maria,

10 b. Cum gaudia recolimus

quae hic tunc habuisti,
Suppliciter te poscimus,
Duc ad gloriam Christi.