Congregatio de Causis Sanctorum 625

23. Magdalena Pérez, quae, in educandarum puellarum sede, quam Ado-

ratrices apud locum vulgo dictum Alcalá de Henares administrabant, alin-

quantisper commorata, ad Matritensem sodalitatem migraverat.

Has omnes cum populus Dei pro martyribus fidei haberet, cumque eius-

modi opinio labentibus annis increbresceret, Matritensis Episcopus animum

induxit ut Causae beatifı́cationis seu declarationis martyrii initium faceret, et

vero per Processum Ordinarium, qui ab anno 1950 ad annum 1952 conditus

est. Huius autem Processus vim haec Congregatio de Causis Sanctorum ra-

tam habuit per decretum die 3 mensis Iulii anno 1992 latum. Positione con-

fecta, disceptatum est de more super adserto praefatarum Famularum Dei

martyrio. Die vero 25 mensis Februarii anno 2006 habitus est, felici quidem

cum exitu, Congressus Peculiaris Consultorum Theologorum. Purpurati de-

nique Patres et Antistites, in Sessione Ordinaria quae die 16 mensis Ianuarii

vertentis anni 2007 gesta est, audita relatione Exc.mi Dni. Salvatoris Boc-

caccio, Frusinatensis-Verulani-Ferentini Episcopi, Causae Ponentis, professi

sunt Sororem Emamanuelam a Corde Iesu eiusque XXII Socias ob suam erga

Christum fidelitatem interfectas esse.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servarum Dei Emmanuelae a Corde Iesu (in saec.:

Emmanuelae Arriola Uranga), Religiosae Professae Congregationis Ancillarum

Adoratricum SS.mi Sacramenti et Carı̀tatis, et XXII Sociarum, in casu et ad

effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis