Acta Apostolicae Sedis - Commentarium Officiale626

TOKIENSIS et ALIARUM

Beatificationis seu Declarationis Martyrii Servorum Dei Petri Kibe Kasui Sacer-

dotis professi Societatis Iesu et CLXXXVII Sociorum Sacerdotum, Religiosorum et

Christifidelium laicorum († 1603-1639)

DECRETUM SUPER MARTYRIO

« Adiuvante gratia, vitis nostris Christum ac Sanctam Ecclesiam Roma-

nam testificandi desiderio flagramus ».

Quae in epistulis collectivis Summo Pontifici Paulo V a catholicis peninsulae

Scimabarensis anno 1620 missis conscripta sunt verba, mirabiliter chris-

tifidelium Iaponiensium fidelitatem erga Christum et Apostolicam Sedem

exprimunt. Inter eos peculiariter emicuerunt Petrus Kibe Kasui et 187 Socii

eius, omnes Iaponienses natione, qui, annis 1603-1639, a regimine supremo-

rum ducum propter eorum nomen christianum peracriter vexati sunt. Quam-

quam enim, si Christi fidem abiuravissent, se salvos facere potuissent, emori

tamen maluerunt potius quam vinculum cum Divino Redemptore denegare,

per hoc testimonium vinculum vero illud unitatis Ecclesiae Iaponiensis cum

Romano Pontifice roborantes. Omnium erant condicionum socialium sta-

tuum vitae: religiosi, catechistae, paterfamilias et materfamilias, pueri et

samurai, nobiles scilicet qui tantum publicis muneribus vel armorum artibus

fungi poterant. Diversis in adiunctis et locis, qui hodie vero ad dioeceses

Tokiensem, Fukuokaënsem, Hiroshimaënsem, Kagoshimaënsem, Nagasa-

kiensem, Kyotensem, Niigataënsem et Osakensem pertinent, extrema passi

sunt, una autem eorum omnibus voluntas fuit vitam terrenam pro amore

Domini sacrificandi. Ex his 4 sunt sodales e Societate Iesu, unus ex Ordine

Fratrum Sancti Augustini et 183 christifideles laici.

A. Religiosi:

1. Petrus Kibe Kasui: anno 1587 natus est. Presbyter e Societate Iesu

factus, ob apostolicam suam navitatem in Regno Sendai anno 1638 captus

est. In civitatem Edum, hodie Tokyo, translatus ubi martyrium passus est

mense Iulio anno 1639. Ante mortem Socios exhortabatur ut firmi in fide

subsisterent.