Acta Apostolicae Sedis - Commentarium Officiale160

propositae in ecclesiastica Facultate Philosophiae, et lacunas, si quae fuerint,

repleverit, quatenus ad annos et ad rationem studiorum prout secundum

praesentes Ordinationes praevidetur pro primo cyclo. Cursuum selectio favere

debet synthesi materiarum traditarum (cfr. Sap. Chr., Art. 81, a). His

integrativis studiis expletis, studens admittetur ad secundum cyclum, quin

obtineat Baccalaureatum ecclesiasticum in Philosophia.

Art. 62 bis [Adaequatio normarum affiliationis et aggregationis philosophicae]

§ 1. Ratione habita reformationis primi cycli triennalis studiorum eccle-

siasticorum philosophiae qui Baccalaureatu in philosophia concluditur, ne-

cessarium est ut affiliatio philosophica conformetur iis quae de primo cyclo

statuta sunt, quatenus ad numerum annorum et ad rationem studiorum

(cfr. Ord., Art. 60, 1º); in quolibet instituto philosophico affiliato adnume-

rentur saltem quinque docentes stabiles obligatoriis qualificationibus

praediti (cfr.Ord., Art. 61, a).

§ 2. Ratione habita reformationis secundi cycli biennalis studiorum ec-

clesiasticorum philosophiae, qui Licentia in Philosophia concluditur, oportet

ut aggregatio philosophica conformetur iis quae et pro primo et pro secundo

cyclo statuta sunt, quatenus ad numerum annorum et ad rationem studio-

rum (cfr. Sap. Chr., Art. 72 a e b; Ord., Art. 60); in instituto philosophico

aggregato numerus docentium stabilium attingere debet saltem sex, qui

obligatoriis qualificationibus fruantur (cfr. Ord., Art. 61, a).

[Adaequatio normarum ad iter philosophiae inclusum in primo cyclo Instituti

in theologia affiliati]

§ 3. Ratione habita reformationis itineris philosophiae inclusi in primo

cyclo philosophico ac theologico qui Baccalaureatu in Theologia concluditur,

institutio philosophica in Instituto theologiae affiliato conformetur oportet

iis quae circa rationem studiorum statuta sunt (cfr. Ord., Art. 51, 1º); nume-

rus docentium stabilium duos saltem recensere debet.

Normae transitoriae

Art. 65. Statim ut praesens Decretum vigorem sortiatur, abrogantur

articuli 72, 81, 82 et 83 Constitutionis Apostolicae Sapientia Christiana

atque articuli 51, 52, 59, 60, 61 et 62 Ordinationum.