73. De Beata Maria V.
Tempore paschali.

1 a. Psallat caelum, plaudat tellus
resurgenti Domino.

1b. Cuncta favent elementa
potenti in proelio.

2 a. Haec est dies novae vitae,
Dies, in qua via vitae
Noster Iesus resurrexit
Et ad caelos nos revexit;

2b. Hic est agnus immolatas,
Serpens ligno exaltatus,
Hicestnoster Samson fortis,
Hic confregit portas mortis.

3 a. Hic predonem alligavit,
Et infernum spoliavit,
Ovem lapsam reparavit,
Ad ovile reportavit.

3 b. Hic decanta voce pia,
Virgo mater, o Maria,
Dulci promens symphoniam
Multimode alleluia.

4 a. Laetabunda hinc exsulta,
Virgo mater unica,
Resurrexit mortem calcans
Tua proles deica;

4 b. Virgo, gaude, mater Dei,
Certa salus nostrae spei,
Resurrexit caro Dei
Immortali gloria.

5 a. Nobis [placa] illum, iube,
Suscitet in dextera,

5 b. Nos redemptos coronandos
In caelesti patria

6. Per infinita saeculorum saecala,
Alleluia, alleluia, alleluia.