Congregatio de Causis Sanctorum 631

178 -181. Alexius Satō Seisuke, samuraus; Lucia, mulier eius; Isabella, filia

eorum, annorum 3; et Paulus Sato Matagorō, frater Alexii.

182-185. N. Shichiyaemon, samuraus; Magdalena, mulier eius; et eorum

filiae, annorum 5 et 3.

186 -188. Alexius Choemon, samuraus; Candidus 'Bōzu', adfinis eius, an-

norum 14; et Ignatius, propinquus Candidi, modo unius anni.

Populus Dei omnes eos uti veros martyres fidei habuit. Anno 1981,

adiunctis secundis, Causa beatificationis seu declarationis martyrii inita est

ab Archiepiscopo Tokiensi, qui Inquisitionem dioecesanam celebravit, cuius

auctoritas et vis iuridica a Congregatione de Causis Sanctorum decreto diei 2

mensis Maii anno 1997 probatae sunt. Prospero cum exitu facti sunt, die 7

mensis Decembris anno 2004, Congressus Peculiaris Consultorum Historico-

rum et, die 5 mensis Maii anno 2006, Congressus Peculiaris Consultorum

Theologorum. Die 6 mensis Februarii anno 2007, Ponente Causae Em.mo

Stephano Card. Fumio Hamao, acta est Sessio Ordinaria Patrum Cardinalium

et Episcoporum, qui agnoverunt Servos Dei Petrum Kibe Kasui et 187 Socios

propter fidelitatem suam Christo oblatam martyrium passos esse.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Petri Kibe Kasui, Sacerdotis professi

Societatis Iesu, et CLXXXVII Sociorum, Sacerdotum, Religiosorum et Christifide-

lium Laicorum, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis