81. De Beata Maria V.

1 a. Quicunque vult salvus esse,
Poscat opem natam Jesse
Nobili prosapia.

1 b. Haec in caelis coronatur,
Virgo voce praedicatur
In mundo prophetica.

2 a. Haec electa sanctitate,
Signata virginitate
Mire fit puerpera)

2b. Verus homo, verus Deus
Prodit, non peccati reus,
Ex alvo virginea.

3 a. Rex sine principio,
Deus ante saecula,

Hanc honorat filio,
Per quem fiunt omnia,

Ut sit ei unio

Natus de puell[ul]a.

3 b. Virginalis uterus

Florem novum generans,
Salomonis inclitus

Thronus auro radians,
Caelestis est thalamus
Ima summis socians.

4 a. O nova fecunditas
In virginitate!

Consccrata castitas
Est haec novitate,

Dum in carne deitas
Est in veritate.

4 b. Natus patri similis
Homo fit imago;

Sed non partus facilis
Huius est indago.

Sit in fide stabilis
Humana propago.