83. De Beata Maria V.

1 a. Pangat melos grex devotus
Et in laudes fluat totus
Mentis dulcor intimus.

1 b. Nulla canit vox amoene,
Nisi vocis et camoenae
Sit praecentor animus.

2a. In Mariae laudes quisque
Tota votis modulisque
Effundat praccordia,

2 b. Quae inclinans caeli clima
Reformavit summis ima
Et proscriptis propria;

3 a. Formam vitae, quam praeiecit
Hospitemque sibi fecit
Peregrina deitas;

3 b. Quod declarant, fracto iure
Sationis et naturae,
Partus et virginitas.

4 a. Ex praegnantis et intactae
Fluit sinu mel cum lacte
In fines credentium,

4 b. Ut propinet lac tenellis
Et adultis dulcor mellis
Legis testimonium.

5 a. In hac patent diu clausa
Et occultae rei causa
Pracclusa nvysterio;

5 b. Fugit umbra, lux clarescit,

Silent vates et quiescit

Plebis exspectatio.

6 a. Salve, summi floris hortus,
Porta caeli, mundi portus
Et salutis aditus.

6 b. Te micante, stella maris,
Sol, quem sine nube paris,
Nos illustret caelitus.

S4. De Beata Maria V.

1 a. Flos de spina procreatur
Et flos rore fecundatur
Fractum vitae proferens.

1b. Inter spinas rosa crescit,
Sed spineti dolum nescit
Flos prae cunctis redolens.

2 a. Haec est Evae de radice
Virgo nata peccatrice
Prima carens vitio.

2 b. Haec radicis noxam gerit,
Sed in illa noxa perit
Fecundata filio.

3 a. Haec est virgo virginum,
Vera salus hominum,
Sola carens simili,

3b. Castitatis lilium,

Prima ferens gaudium
Mundo diu flebili.

4 a. Haec est virga florida,
Throni sedes lucida,
Arca manna continens.

4 b. Hanc praesignat Aaron
Virga, throno Salamon,
Hanc in rubo Moyses.

5 a. Haec est aula regia,
Haec fenestra vitrea
Non confracta lumine.

5 b. Stella solem generans,
Quam Gedeon venerans
Praesignat in vellere.

6 a. Virgo pia,
Nos, Maria,

Te laudantes respice

6 b. Et corona
Nobis dona

Frui vitae caelicae.