Acta Apostolicae Sedis - Commentarium Officiale638

guez, Episcopi titularis Cilibiensis, agnoverunt Servos Dei Avellinum Rodrı́-

guez Alonso et 97 Socios O.S.A. atque 5 Sacerdotes et 1 Diaconum cleri

dioecesani interemptos esse ob propriam erga Christum fidelitatem.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Avellini Rodrı́guez Alonso, Sacerdotis

professi Ordinis Fratrum Sancti Augustini, et XCVII Sociorum eiusdem Ordinis

necnon VI ex Clero dioecesano, in casu et ad effectum de quo agitur.

Voluit autem Sanctitas Sua ut hoc decretum publici iuris fieret et in acta

Congregationis de Causis Sanctorum referretur.

Datum Romae, die 1 mensis Iunii A. D. 2007.

Iosephus card. Saraiva Martins Praefectus

L. e S. e Michaël Di Ruberto

archiep. tit. el. Biccarensis a Secretis

LINCIENSIS

Beatificationis seu declarationis Martyrii Servi Dei Francisci Jägerstätter, Christi-

fidelis laici (1907-1943)

DECRETUM SUPER MARTYRIO

« Salvatori nostro gratias refero, quoniam pro Eo pati valui et pro Eo mori

potero ».

Verba haec, quae quibusdam in litteris Dei Servus Franciscus Jägerstät-

ter ad uxorem paulo ante mortem scripserat, ostendunt eius animum quo pro

Christo vitam immolavit. Ille enim, certior factus Deo oboedire potius quam

hominibus oportere (cfr Act 5, 29), non indulsit placitis regiminis nazistae,

prorsus alienis a principiis christianis, quae studiose observabat. Renuit ita-

que militiam exsequi apud exercitum Germanum, iniusto bello intentum;

quam negationem morte luere debuit, terrenam vitam immolans propter