85. De Beata Maria V.

1 a. Mirae iubar pietatis,
Micans sidus honestatis,
Lux decora caritatis
Est virgo Maria.

1b. Virtus vera castitatis,
Tollens zima vetustatis,
Ut ignara novitatis
Innovetur via.

2 a. Igne rubi praedicata,
Virga Iesse figurata,
Gedeonis est signata
Velleris in rore.

2 b. Flatu patris obumbrata,
Verbo Dei fecundata,
Patrem parit nati nata
Casto cum tenore.

3 a. Rubus igne canduit
Nulla re cremata,
Virga Iesse floruit
Nunquam radicata.

3 b. Vellus rore maduit
Area siccata,
Virgo natum habuit
Incontaminata.

4 a. Hic est modus geniturae,
Quem non capit vis naturae,
Lex stupescit novo iure
Miraque potentia.

4 b. Nam creator creaturae
Adunatur, ut facturac
Conditoris pariturae
Iubilent in gloria.

5 a. Geniturae sacramentum
Novum habet indumentum,
Nec est nobis argumentum
Nisi Dei gratia.

5 b. Per hoc dulce condimentum
Resecatur fel cruentum
Atque [vetus] detrimentum
Veniente Messia.

6 a. Invida .se minuit
Iudaea repente
Et versuta viluit
Excaecata mente.

6 b. Flos Hebraeus aruit
Illuminata gente,
Synagoga marcuit
Ecclesia vigente.

7 a. Per te virgo caelitus
Caeli roraverunt,
Gloriam divinitus
Dei narraverunt.

7 b. Hinc inferni funditus
Claustra corruerunt
Et caelorum aditus
Lapsis patuerunt.

8 a. Ergo vale milies,
Regina caelorum,
Cuius est progenies
Princeps angelorum.

8 b. Ave, digna series

Et modesta morum,
Virtutum congeries,
Mater orphanorum

9 a. Tu vernale lilium
Et spineti rosa
Virens viridarium,
Myrtus speciosa.

9b. Odorum fragantium.
Nardus generosa,
Salutis remedium,
Virgo gloriosa.

10 a. Stella maris
Singularis,

In caeli privato,
Iucundaris
Adoraris

Turis adorato.

10 b. Dominaris
Tuis caris

Natis tuo nato,
Iucundaris
Et laudaris

Pneumate sacrato.

11a. Tuum natum
Nobis gratum

Fac, ut ad caelestia

11b. Sublevemur
Et lactemur

In caelesti gloria.