Congregatio de Causis Sanctorum 639

Dominum diligendum. Priusquam martyrium subiret, occissoribus ignovit et

proprias tribulationes liberaliter obtulit ad expianda hominum peccata.

Hic testis Christi natus est in oppido vulgo St. Radegund, in Austria, die

20 mensis Maii anno 1907. Inter annos 1927-1931 in regionibus Bavariae et

Styriae opus navabat, prius apud quandam villam, deinde apud metallum.

Tandem domum redux, curavit villam familiarem.

Iuvenis vitam potius dissolutam gessit et anno 1933 naturalem habuit

filiam. Hanc puellulam ut filiam agnovit, eamque secum ferre voluit, mater

tamen eam secum excipere maluit. Die 9 mensis Aprilis anno 1936 uxorem

duxit Franciscam Schwanninger, profunda fide praeditam. Exemplum

uxoris compulit eum ad catholicam fidem amplectendam vitamque mutan-

dam. Hanc novam vitam incepit sacrificium eucharisticum cotidie partici-

pando ac publice orando, quin de hoc erubesceret. Legere consueverat

Sacram Scripturam, Catechismum nec non varia scripta de re spirituali,

praesertim vitam sanctorum, quos imitari nitebatur in itinere ad perfec-

tionem. Cultum nutrivit erga Sacrum Cor Iesu et Beatissimam Virginem

Mariam. Nullo umquam tempore inconsideratas cepit decisiones, et ante-

quam magni ponderis optiones caperet, orabat, paenitentiam agebat et a

suo spirituali moderatore consilium quaerebat. Ex eius matrimonio tres

natae sunt filiae, quas per Christi vias verbo et opere duxit. Studiose et

honeste rusticanam operam et officium aeditui explicavit, atque munera

proprii status diligenter explevit.

Aperte profitebatur se ad Ecclesiam pertinere et adversus neopaganis-

mum nationalsocialistam audacter se constituit. Pecuniam colligere recusavit

pro factione nazista, nec accipere voluit subsidia quae gubernium offerebat

familiis plurium fı́liorum. Anno 1938, quo tempore Austria adiungebatur ad

Germaniam, minime timuit ne hanc propriam oppositionem declararet.

Mense Iunio anno 1940 ad militiam vocatus est, nihilominus paucos post

dies necessarius iudicatus est ad propria terrena gerenda, quapropter domum

redire potuit. Sequenti mense Octobri iterum vocatus est; ne quidem intra

muros exercitus timebat suam fidem aperte profiteri. Qua de causa plures

subire debuit vexationes, immo prohibebatur ne missam participaret; ille

tamen, ad eandem participandam, non dubitabat saepta superare et absque

licentia e castris exire.

Die 8 mensis Decembris anno 1940 nomen dedit Tertio Ordini Francisca-

no. Anno 1941 vacationem militiae rursus obtinuit, quoniam necessarius erat

ad gerendam operam suam.