Acta Apostolicae Sedis - Commentarium Officiale642

Montes Belos assignat, mutatis, hac ratione, utriusque ecclesiasticae circum-

scriptionis finibus.

Ad clerum quod attinet eadem Congregatio statuit ut simul ac praesens

Decretum ad effectum deductum fuerit sacerdotes Ecclesiae illi censeantur

adscripti in cuius territorio ecclesiasticum officium detinent; ceteri autem

sacerdotes, clerici seminariique tirones circumscriptioni illi incardinati ma-

neant vel incardinentur in cuius territorio legitimum habent domicilium.

Quamobrem documenta et acta praefatae paroeciae clericos, fideles ac

bona temporalia respicientia a Curia Goiasensi ad Curiam Sancti Aloisii de

Montes Belos transmittantur.

Ad haec perficienda Congregatio pro Episcopis deputat memoratum Exc.-

mum Apostolicum Nuntium vel, ipso a sede absente, negotiorum Sanctae

Sedis in Brasilia gestorem, necessarias et opportunas eisdem tribuens facul-

tates etiam subdelegandi, ad effectum de quo agitur, quemlibet virum in

ecclesiastica dignitate constitutum, onere imposito ad eandem Congregatio-

nem, cum primum fas erit, authenticum exemplar actus peractae exsecutio-

nis remittendi.

Contrariis quibuslibet minime obstantibus.

Datum Romae, ex Aedibus Congregationis pro Episcopis, die 21 mensis

Aprilis anno 2007.

e Ioannes Baptista card. Re Praefectus

e Franciscus Monterisi a Secretis

L. e S.

In Congr. pro Episcopis tab., n. 412/07