89. De Beata Maria V.

1 a. Orbis honor, caeli stema,
Mulierum diadema,

Virginalis gloria,
Sumniae pietatis thema,
Ima ferens ad suprema

Pacis consistoria.

1b. O Maria, mater vera,
Virgo pura et sincera,

Sola sine scoria,
Tu es illa felix hera,
Per quam lapsi matre fera
Sumunt adiutoria.

2 a. Tu catena caritatis
Obviantis, veritatis

Et misericordiae,
Foedus ferens unitatis
Sacris genis osculatis

Pacis et iustitiae.

2 b. His amore foederatis
Crescit regnum claritatis

Et decus ecclesiae;
A serpente profligatis
Salus datur Evae natis
Et locus laetitiae.

3 a. Quae teguntur in scripturis
Typis, tropis et figuris

Legis sub velamine,
Lucem gignunt ex obscuris
Salutarem nostris curis

Te gignente virgine.

3 b. Puros facit de impuris

Haec lux, mundum a lituris

Lavat et fuligine;
Hac nos luce imposturis
Hostis sanat nocituris
Genetrix verbiginae.

4 a. Te mons signat procul visus,
De quo lapis est excisus

Viri sine manibus;
Per quem ferus est occisus
Philistaeus et elisus
Veri David viribus.

4b. Unde crescit noster risus,
Et patescit paradisus

Reseratis foribus.
Ergo noster tibi nisus
Famuletur indivisus

Almiphonis laudibus.

5 a. Eia, nostra advocata,
Divis legibus ornata

Et summa clementia,
Nostra deleas peccata,
Cui pietas innata
Cum misericordia.

5 b. Nobis confer cuncta grata,
Cum extrema surgunt fata

Et mortis angustia ;
Tu nos perduc ad optata
Loca sancta et beata,
Ubi pax et gloria.