100. De Beata Maria V.

1 a. Ave, virgo, via vitae,
Pone pacem, mundi lite
Pax est necessaria.

1b. Ad te rei praeaspirant,
Ingemiscunt, et suspirant,
Peccatorum taedia.

2 a. Ave, pura gemma solis,

Summi patris splendor, prolis
Tu mater, tu filia,

2 b. Sine patre facta parens,
Munda caro, labe carens
Carnis per incendia.

3 a. Ut intrat vitrum helios,
Te sic intravit hagios;
O quam mira potentia !

3b. Porta clausa per ingressum,
Porta clausa per egressum ;
Haec sunt miracli praemia.

4 a. SponsaChristi, sponsum habes,
Quo mundatur Evae labes,
Hac eius repudia ;

4 b. Haec damnavit, et tu salvas,
Aperis tu caeli valvas,
Quas clausit nequitia.

5 a. Trahe, mater, nos ad portum,
Relinquendo mundi scortum
Et Scyllae naufragia,

5b. Ut securi transeamus,
Atque Iesum videamus
In caelesti patria.