Acta Apostolicae Sedis - Commentarium Officiale1090

BRIXIENSIS

Canonizationis Beati Ioannis Baptistae Piamarta, Sacerdotis Fundatoris Congre-

gationum Sanctae Familiae Nazarethanae et Humilium Ancillarum Domini

(1841-1913)

DECRETUM SUPER MIRACULO

Beatus Ioannes Baptista Piamarta die 26 mensis Novembris anno 1841

Brixiae in Italia natus est. Die 23 mensis Decembris anno 1865 presbyteratu

auctus est. Ministerium pluribus in paroeciis Dioecesis uti Vicarius exercuit,

omnes profundens vires et constans virtutum praebens testimonium. Paro-

chus in vico Pavone Mella die 20 mensis Octobris anno 1883 nominatus,

peculiares hae facultates adhuc magis eminuerunt, cum sese proiectum sub

turbidius quam praecurrens caelum animadvertit, astuta massonum societa-

tum calliditate ingentique christianae fidei detrimento vehementer perva-

sum. Beatus, interdum, omnem sollicitudinem presbytero socio promptam

praebuit, reverendo scilicet domino Petro Capretti, quocum Brixiae, die 3

mensis Decembris anno 1886, Institutum Filiorum Mariae, dein Institutum

Parvulorum Opificum seu vulgo « degli Artigianelli » nuncupatum, fundavit

pro iuvenibus ad artes informandis et in christianam doctrinam instituendis.

Deinde, moderationem Instituti sumpsit aliaque suscitavit opera pro iuven-

tute provehenda. Praestantissimus suus educationis intellectus praesertim in

Congregationibus religiosorum Sanctae Familiae Nazarethanae anno 1900 et

Sororum Humilium Ancillarum Domini anno 1911 instituendis cernuntur.

Pervulgata sanctitatis fama circumfusus, die 25 mensis Aprilis anno 1913

in vico Remedello prope Brixiam pie in Domino quievit. Summus Pontifex

Ioannes Paulus II die 22 mensis Martii anno 1986 virtutes eius recognovit

heroicas et die 12 mensis Octobris anno 1997 eum in numerum Beatorum

rettulit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem domini Stephani

Figueiredo de Paula Pessoa, qui in vico Montese de Fortaleza in Brasilia,

mense Novembri anno 2003 casum clinicum tulit inusitatum et ob implica-

tionum provectum admodum tortuosum, quae inde a mense Septembri

irrepserunt: nam, cum spinulam piscis devoravisset, infirmus in diutinum

asperrimarum angustiarum ordinem adierat, quae plurimas ac repetitas