Acta Apostolicae Sedis - Commentarium Officiale1102

Interdum, gener infirmae, qui propter operam olim apud monasterium

Trebiense expletam vitam et conversationem Venerabilis Servae Dei cogno-

verat, universam Carolae familiam adhortatus est, ut ad divinum confuge-

rent auxilium, eiusdem intercessione sanationem aegrotae exposcentes,

quorum precationibus sanctimoniales etiam sese sociaverunt. Imaguncula,

insuper, parvam Matris Prosperi continens reliquiam in valetudinarium per-

vecta est et sub pulvinum infirmae collocata. Sectionis exitus mirabilis fuit,

qui vero plenam ostendit systematis nervosi, motorii et cerebralis refectio-

nem: cerebri, enim, damno perpetuum facultatum neurologicarum et psychi-

carum defectum, quae locis sanguinis effluvio inundatis adnexi erant, suc-

cessurum prospiciebatur, casus autem decursus omnino faustissimus abiit.

Continuatio temporis clarissime patuit inter invocationem Servae Dei et

completam infirmae sanationem.

De hac mira habita sanatione apud Curiam Archiepiscopalem Perusinam-

Civitatis Plebis a die 16 mensis Decembris anno 2002 ad diem 12 mensis

Martii anno 2005 Inquisitio dioecesana instructa est, cuius auctoritas et vis

iuridica a Congregatione de Causis Sanctorum Decreto diei 2 mensis Iunii

anno 2007 probatae sunt. Acta dein collecta examini et iudicio medicorum ex

officio ac deinde Medicorum Collegio Dicasterii subiecta sunt, quod in sessio-

ne diei 25 mensis Novembris anno 2010 una voce sanationem rapidam, com-

pletam, duraturam et inexplicabilem secundum hodiernam scientiam medi-

cam fuisse affirmavit. Die 21 mensis Maii anno 2011, Congressus Peculiaris

Consultorum Theologorum factus est ac die 15 mensis Novembris anno 2011

Sessio Ordinaria Patrum Cardinalium et Episcoporum, Ponente Causae

Eminentissimo ac Reverendissimo Domino Cardinale Velasio de Paolis, et

in utroque coetu sive Consultorum sive Cardinalium et Episcoporum, posito

dubio an de miraculo divinitus patrato constaret, responsum affirmativum

prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servae Dei Mariae Aloisiae Prosperi (in saeculo: Gertrudis), ex Ordine

Sancti Benedicti, Abbatissae monasterii Sanctae Luciae Trebiani, videlicet de

celeri, perfecta ac constanti sanatione dominae Carolae Arcangeli ab « emorragia

subaracnoidea dovuta a rottura di un aneurisma dell'arteria cerebrale media di

sinistra, associata a vasospasmo con idrocefalo secondario ».