Congregatio de Causis Sanctorum 1099

quaereret et ipsi solo adhaereret. Scribebat, enim: «Me maxime equidem ad

Sanctae Angelae opus elicuit secessus, qui summa plenitudo et vocatio mea

mihi videbatur ».

Consuetudo Trinitatis, necnon precatio, adoratio, oblatio et reparatio

fundamenta et culmen erant conversationis, quae Servae Dei vitam cotidia-

nam denotaverunt. Maria Anna, enim, modice ac sapienter actuositatem

contemplationi coniungens, sive in sollicitudine meditationis sive in suipsius

oblatione pro fratribus strenuam exhibuit voluntatem. Sanctitatem revera

vixit « in morem muliebrem », ut dicatur, cuius vultus et proprietas maternus

amor, divinae pietatis in communem vitam signum. Vera mater atque filia-

bus suis fuit spiritualibus et spiritualis haec conceptio summa actrix unitatis:

« Ex pura fide - inquit - omnes una vivamus, inspicientes quem desiderium

nostrum ipsum et ipsa reparatio nostra semper et ubique esse oportet ».

Navitas eius plurimos ad viam sanctitatis suscitabat animos: nam, multas

circa se rusticorum opificumque genere puellas collegit, quas instituit et

per semitas spiritualitatis duxit, sicut et iuvenibus optimatum familiis pro-

pinquavit; apostola catechesis pueris atque adulescentibus tradendae facta

est ac potissime Evangelium neglectae iuventuti curavit nuntiandum; serva

denique fuit pauperum, infirmorum ministra, sacerdotum et omnium conse-

cratorum sedula adiutrix.

Fragilis autem valetudo in annos eam comitata est. Inter annos circiter

1940 et 1947 infirmitatis passionem experta est. Mense Februarii anni 1945

chirurgicae sectioni commissa est intestini tumoris causa, qui vero minime

excidi potuit. Malae corporis valetudinis conscia, Maria Anna Deo omnino se

tradidit et asperam hanc temptationem fortitudine ac tranquillitate animi

suscepit, tota in Sponsum illum intenta, quem semper quaesiverat. Verba

emittens « Fiat voluntas Dei », die 24 mensis Iunii anno 1947 lumina ad lucem

mundi adoperuit atque aeternitatem ingressa est ad nuptias cum Christo

celebrandas.

Ob eius sanctitatis famam, quae, apud populum iam eximia, apud ipsum

clerum Calatanisiadensem valde celebrata est, Causa Beatificationis et

Canonizationis apud Curiam Calatanisiadensem instructa est per Inquisitio-

nem dioecesanam super vita, virtutibus et sanctitatis fama Servae Dei a

die 4 mensis Martii anno 1989 ad diem 11 mensis Maii anno 1991, cuius

auctoritas et vis iuridica a Congregatione de Causis Sanctorum die 5 mensis

Februarii anno 1993 probatae sunt. Positione confecta, die 18 mensis Martii

anno 2011 in Congressu Peculiari Consultorum Theologorum prospero cum