Congregatio de Causis Sanctorum 1097

Excellentissimo ac Reverendissimo Domino Edmundo Farhat, Archiepiscopo

titulari Bybliensi, et in utroque coetu sive Consultorum sive Cardinalium et

Episcoporum, posito dubio an de miraculo divinitus patrato constaret,

responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Dei patrato per intercessionem Beatae

Catharinae Tekakwitha, Christifidelis Laicae, videlicet de celeri, perfecta ac

constanti sanatione pueri Iacobi Finkbonner a « fascite necrotizzante acuta, estesa

al volto, al capo, al collo, al torace, precocemente invasiva, complicata da stato

settico, da tromboflebite femorale destra e da instabilità cardiocircolatoria ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

CALATANISIADENSIS

Beatificationis et Canonizationis Servae Dei Mariae Annae Amico Roxas,

Christifidelis Laicae, Fundatricis Societatis a S. Ursula (1883-1947)

DECRETUM SUPER VIRTUTIBUS

« O Iesu mi, te super omnia amo, sed parum est. Te magis quam meipsam

amo, sed adhuc parum. Te toto corde et tota anima mea amo, quod autem

semper parum. O Iesu mi, audi me: magis amore reple me, magis et magis

amore ».