Acta Apostolicae Sedis - Commentarium Officiale1088

Die 5 mensis Octobris anno 1925, tres et quadraginta annos nata, in Domino

quievit. Summus Pontifex Beatus Ioannes Paulus II eiusdem Beatificationis

celebravit ritum die 7 mensis Martii anno 1999.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram sanationem dominae Christi-

nae Simon, quae anno 1996 valetudinis incommodis in iecore laborari

accusavit. Cirrhosis hepatica cum abdominis hydrope dicta est, quae aegro-

tam ponderis augmento viriumque languore et ventris turgore affecit. Exinde

Christina poculis alcoholicis omnino dimissis, in valetudinario recepta est et

variis se commisit curis, sed conspectus clinicus generalis ob constantem

praesertim ac repetitam magnae umoris copiae procreationem omnino

infaustus videbatur, nec spem ullam sanationis afferebat. Valetudo immo

brevi tempore adeo gravior ruit, ut de vita infirmae metueretur, quae sua

sponte valetudinarium excessit.

Aegrota, quae caeremoniam Beatificationis Annae Schäffer spectaverat

televisionis ope trasmissam et ante receptum in valetudinario sepulturam

eius etiam peragraverat, his in gravissimis salutis adiunctis ad divinum

auxilium confugere iam ante aliquos menses inierat, intercessionem Beatae

apud Dominum ferventissime exposcens. Ipsa die reditus sui domum, vide-

licet die 12 mensis Augusti anno 1999, Christina profectum quendam valetu-

dinis animadvertit, et intra paucos menses, invocatione Beatae indesinenter

perseverata, abdominis hydropis recessum agnoscere valuit atque omnino

sanatam se esse percepit.

Continuatio temporis clarissime patet, sicut et nexus inter invocationem

Beatae et completam orantis sanationem.

De hac mira habita sanatione apud Curiam Episcopalem Ratisbonensem

a die 28 mensis Aprilis anno 2003 ad diem 29 eiusdem mensis anno 2004

Inquisitio dioecesana celebrata est, cuius auctoritas et vis iuridica a Congre-

gatione de Causis Sanctorum Decreto diei 15 mensis Octobris anno 2004

probatae sunt. Acta dein collecta examini et iudicio Medicorum Collegii Di-

casterii pluries subiecta sunt, quod demum die 22 mensis Februarii anno 2011

una voce ac sententia sanationem rapidam, completam, duraturam et inex-

plicabilem secundum hodiernam scientiam medicam fuisse affirmavit. Die 2

mensis Iulii anno 2011, Congressus Peculiaris Consultorum Theologorum

prospero cum exitu factus est ac die 15 mensis Novembris anno 2011 cele-

brata est Sessio Ordinaria Patrum Cardinalium et Episcoporum, Ponente

Causae Eminentissimo ac Reverendissimo Domino Cardinale Paulo-Iosepho