Acta Apostolicae Sedis - Commentarium Officiale1092

pericardite. Nel successivo decorso il malato ha avuto un'emorragia massiva da

lesione ulcerativa del colon trattata con colectomia e ileostomia. Decorso succes-

sivo con ascessi multipli addominali drenati chirurgicamente. Anuria trattata

con emodialisi ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

HONOLULUENSIS

Canonizationis Beatae Mariae Annae (in saec.: Barbarae Cope), Religiosae

professae e Congregatione Sororum Tertii Ordinis Sancti Francisci de Syracusis

uti Mother Marianne of Molokai notae (1838-1918)

DECRETUM SUPER MIRACULO

Beata Maria Anna (in saeculo: Barbara Cope) die 23 mensis Ianuarii anno

1838 in civitate Heppenhemio in Germania nata est. Anno post ortum, fami-

lia eius Uticam intra fines dicionis Neo-Eboracensis in Civitatibus Foederatis

Americae Septentrionalis migravit. Dum vicesimum quintum aetatis annum

agebat, Beata Congregationem Sororum Tertii Ordinis Sancti Francisci de

Syracusis ingressa est, apud quas habitum religiosum induit et professionem

perpetuam emisit. A Superioribus de immigrantium germanicis instituendis

filiis mandata accepit ac dein Moderatrix Provinciae electa est, revera autem

Matris Generalis fungens muneribus, cum provinciae religiosae in Civitatibus

Foederatis Americae Septentrionalis tunc temporis deessent. Appellatione