103. De Beata Maria V.

1 a. Laetare, virgo Maria,
Salvatoris mater pia,
Mundo tulisti gaudium.

1b. Te decet laus et gloria,
Quia per te patet via
Nobis ad caeli praemium.

2 a. Vox igitur laetitiae,
Vox devotae melodiae,
Vox resonet humilium.

2 b. Ad honorem sit Mariae
Vox et cantus laudis piae,
Vox cunctorum fidelium.

3 a. O Maria, spes reorum,
Consolatrix miserorum,
Ad nos clementer respice ;

3 b. Da veniam peccatorum,
Et tuorum famulorum
Preces benigne suscipe.

4 a. O regina pietatis,
Fons totius bonitatis,
Concede nobis gratiam ;

4 b. Ut possimus cum beatis
In gaudio claritatis
Habere semper gloriam

5. Post praesentem maestitiam.