Congregatio de Causis Sanctorum 1091

chirurgicas sectiones in thorace et abdomine expostulaverunt et adusque de

eius vita metuendum in deterius rapide demutaverunt.

His in gravissimis adiunctis, amica quaedam familiae infirmae ad

divinum confugere statuit auxilium, ut, Beati Ioannis Baptistae Piamarta

intercessione, Stephani valetudinis sanationem impetraret, et imaguncula

cum effigie Beati, quam repererat, sub pulvinum infirmi iam moribundi

collocavit. Etiam alii christifideles ei sese sociaverunt, inter quos familia

ipsius aegroti. Et exinde condiciones clinicae adeo profecerunt, ut infirmi

valetudo repente ac contra eorundem medicorum spem usque ad completam

sanationem procederet, omnibus vitalium facultatibus refectis, quae abhinc

multis mensibus fere omnino vehementer laboratae iacebant.

Continuatio temporis clarissime patuit inter invocationem Beati et

completam Stephani Figueiredo de Paula Pessoa sanationem, qui exinde

perfectam corporis et animae praestantiam resumpsit.

De hac mira habita sanatione apud Curiam Archiepiscopalem Forta-

lexiensem a die 15 mensis Iunii anno 2005 ad diem 7 mensis Februarii

anno 2006 Inquisitio dioecesana instructa est, cuius auctoritas et vis iuridica

a Congregatione de Causis Sanctorum Decreto diei 10 mensis Novembris

anno 2006 probatae sunt. Acta dein collecta examini et iudicio Dicasterii

Medicorum Collegium subiecta sunt, quod in Sessione diei 20 mensis Decem-

bris anno 2007 una voce ac sententia sanationem rapidam, completam,

duraturam et inexplicabilem secundum hodiernam scientiam medicam fuisse

affirmavit. Die 2 mensis Iulii anno 2011, Congressus Peculiaris Consultorum

Theologorum factus est ac, die 18 mensis Octobris anno 2011, Sessio Ordina-

ria Patrum Cardinalium et Episcoporum, Ponente Causae Excellentissimo

ac Reverendissimo Domino Marcello Semeraro, Episcopo Albanensi, et in

utroque coetu sive Consultorum sive Cardinalium et Episcoporum, posito

dubio an de miraculo divinitus patrato constaret, responsum affirmativum

prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Ioannis Baptistae Piamarta, Sacerdotis et Fundatoris Congregationum Sanctae

Familiae Nazarethanae et Humilium Ancillarum Domini, videlicet de celeri,

perfecta ac constanti sanatione domini Stephani Figueiredo de Paula Pessoa

a « mediastinite purulenta da perforazione esofagea complicata da pleurite e