Congregatio de Causis Sanctorum 1093

Vicarii Apostolici in Insulis Havaianis suscepta, ubi leprae contagio irrepse-

rat, una cum quinque sociis primum Honolulum ad adiuvandos infirmos

transiit et postea in insulam Molokaiam: hic, enim, quos illius morbi vis

replevisset, omnes inclusi fuerant. Inter alios etiam Sancto Damiano De

Veuster, presbytero, usque ad mortem astitit. Caritate ordinem naturae vere

excedente suffulta, Maria Anna opus suum in omnium egenorum servitium

adeo excepit indefesse, ut sub voce «Mariae Annae de Molokaia » cognominari

mereretur. In eadem insula die 9 mensis Augusti anno 1918 pie obiit. Sum-

mus Pontifex Benedictus XVI die 14 mensis Maii anno 2005 eam in numerum

Beatorum rettulit.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram sanationem dominae Sharon

Annae Smith, quae, undesexaginta annos nata, urgenter in valetudinarium

Syracusarum in Civitatibus Foederatis Americae Septentrionalis recepta est

ob gravem lithiasim biliarem et putredinem, qua eundem bilis sacculum

corruptum erat. Chirurgicae sectioni commissa, condiciones generales aegro-

tae gravissimae visae sunt, sive pristinas propter infirmitates sive molestiores

ob consecutas implicationes. Etenim, novum quoque chirurgicae sectionis

inceptum ita frustra fuit, ut Serenae Annae mors iam videretur certa.

His in difficillimis adiunctis, amicae quaedam infirmae ad divinum con-

fugerunt auxilium et una eorum, quae licentiam adepta erat, ut loculamen-

tum valetudinarii intensivis curationibus sepositum, in quo patiens impos sui

iacebat, ingrederetur, coram imagunculam parvam Beatae continens reli-

quiam, quam a muliere quadam ipsi incognita acceperat, eiusdem interces-

sionem cum fletu imploravit pro sanatione amicae graviter adfectae. Repen-

te, die 8 mensis Iunii anno 2005, omnino ex insperato, iter infirmitatis

penitus commutavit, duodeni textum, quem impetus necrosis perdiderat,

adeo spontaneam ostendens refectionem, ut infra paucas hebdomades, inter-

cessoria perseverante oratione, aegrota omnino sanata haberetur. E nosoco-

mio in bona valetudine dimissa est et consecuta examina optimum habitum

eius comprobaverunt et omnium signorum reliquorum defectum, quae tantos

eventus solent comitari.

Continuatio temporis clarissime patuit inter invocationem Beatae et

completam Serenae Annae Smith sanationem, quae exinde optima gavisa

est valetudine normalesque posthac vitae consuetudines gerere valuit.

De hac mira habita sanatione apud Curiam Episcopalem Syracusensem a

die 8 mensis Septembris anno 2008 ad diem 14 mensis Decembris anno 2009