Acta Apostolicae Sedis - Commentarium Officiale1096

pars vulnerata admodum intumuit, saevos dolores attulens una cum difficul-

tate respirationis et ingenti sanguinis arteriarum pressionis imminutione:

nam, vorax vehementissima contagio puerum praerapide corripuerat et adeo

gravis videbatur casus, ut Iacobus in loculamento valetudinarii pediatrici

Seattlensis intensivis curationibus seposito reciperetur. Variis curis chirurgi-

cisque suppeditatis sectionibus, conspectus clinicus generalis consecutis heb-

domadibus, thrombosi in femore et inaequali cordis universaeque sanguinis

circulationis vigore exceptis, gravior ruit, quibus adiecta sunt damna chirur-

gicis curationibus iniuncta nervorum musculorumque faciei pueri, qui sane in

extremo discrimine vitae versatus est.

His in difficillimis adiunctis, non modo parvuli infirmi parentes, sed etiam

nativi ipsi indigenae ex stirpe, uti dicunt, Lummorum, quos Iacobi familia

cognatione attingebat, ad divinum simul confugerunt auxilium Beatae

Catharinae devote invocantes intercessionem. Qui enim tamquam unum

conflatum genus infirmum eiusque caros summo amplexi sunt affectu, preces

sive parvuli scholae sive seniores effundentes pro eius sanatione. Peculiari

insuper laude atque admiratione dignum est quod reliquia quaedam primae

eorum Beatae prope puerum collocata est, qui vero excedere vita maturus

iam videbatur. Et inde ab eodem die 4 mensis Martii anno 2006, inexplicabilis

rapidusque profectus valetudinis conspectus est, ita inflammationis indicibus

praecipitatis, ut mense post infirmus domum repetere posset.

Continuatio temporis clarissime patuit inter invocationem Beatae et

completam Iacobi Finkbonner sanationem, qui exinde optima gavisus est

valetudine normalesque posthac vitae consuetudines gerere valuit.

De hac mira habita sanatione apud Curiam Archiepiscopalem Seattlen-

sem a die 20 mensis Septembris anno 2007 ad diem 15 mensis Maii anno 2008

Inquisitio dioecesana habita est et a die 28 mensis Augusti anno 2008 ad diem

26 mensis Iunii anno 2009 Inquisitio suppletiva, quarum auctoritas et vis

iuridica a Congregatione de Causis Sanctorum Decreto diei 12 mensis Februa-

rii anno 2010 probatae sunt.

Acta dein collecta examini et iudicio Dicasterii Medicorum Collegium

subiecta sunt, quod in Sessione diei 15 mensis Septembris anno 2011 una

voce ac sententia sanationem rapidam, completam, duraturam et inexplica-

bilem secundum hodiernam scientiam medicam fuisse affirmavit.

Die 8 mensis Novembris anno 2011, Congressus Peculiaris Consultorum

Theologorum prospero cum exitu factus est ac die 13 mensis Decembris anno

2011 Sessio Ordinaria Patrum Cardinalium et Episcoporum, Ponente Causae