Acta Apostolicae Sedis - Commentarium Officiale1098

Haec Servae Dei Mariae Annae Amico Roxas suipsius manu scripta verba

spiritualem eius fide, spe et constanti perfectionis studio suffultam conversa-

tionem praecipue exornant. Caritate enim strenue informata, promptissima

Maria Anna fuit ad opus gratiae et, per continuam ac progredientem suam

cum Domino communionem, voluntati Dei summopere adhaesit atque

humanas christianasque virtutes constanti animo singulariter exercuit.

Serva Dei in vico Sancto Cataldo apud Calatanisiadensem civitatem die

21 mensis Decembris anno 1883 nata est e locupleti familia, sexta ex octo

filiis, quorum feminino genere una. Postridie ortus ad baptismalem fontem

ducta est et, sextum aetatis agens annum, sacramento confirmationis

honestata. In lare devota spiritualitate onusto iam inde a pueritia Maria

Anna optimam recepit institutionem atque orationi et sollicitudini erga

egenissimos evasit intenta. Pervivido exhibito ingenio, potiora aetatis suae

collegia frequentavit et disciplinas didicit multas, praesertim gallico sermoni,

arti musicae ac humanitatis studiis callida. Iuventute mox ineunte, nobillima

moribus consuetudinibusque venustissima iam videbatur.

Dum decimum septimum aetatis suae degebat annum, clara quidem pa-

tuit in ea conscientia se omnino esse Domini, quam uti firmam exprompsit

voluntatem dictitans, de futuris revolvens: « Iesu, me sola flagrare flamma

comperis, ut potiar tui et tota quidem tua sim ». Cui primaevi floris consilio

fidelis usque ad exitum mansit. Circa autem vicesimum annum, studiis iam

peractis, venia ac suffragio familiae confligentibus, desiderium suum Deo

inter Sorores Offam Pauperis seu vulgo «Boccone del Povero » se consecrandi

adimplere non valuit. Attamen, oboediit, exspectans si Deus hanc in mentem

suam conficiendam eam adiuvaret et flammam Christi amoris et caritatem

erga indigentes in corde semper alens.

Mense Aprilis anni 1912 exeunte, piis quibusdam exercitiis Panormi in-

terfuit et Iuliam Vismara nancta est, quae Mediolani cum aliquibus amicis

degebat iuxta consuetudinem mulierum consecratis apud « Societatem a

Sancta Ursula ». Huius spiritualitatis rapta rationibus, quae ex saeculari

consecratione secundum spiritum Sanctae Angelae Merici ad novae aetatis

necessitates accomodatum constabat, Maria Anna omnem agendi sollertiam

adhibuit, ut etiam in vico eius natali haec consociatio institui posset. Die 6

insequentis mensis Maii, piis confectis exercitiis, primus candidatorum in vico

Sancto Cataldo coetus ortus est, quem Iulia Vismara ipsa Mariae Annae

moderandum mandavit. Haec omnia penitus et in perpetuum signaverunt

Servam Dei, quae verum vitam sitiebat a mundo seiunctam, ut Iesum