Acta Apostolicae Sedis - Commentarium Officiale1100

exitu disceptatum est, iuxta consuetudinem, an Serva Dei more heroum

virtutes christianas exercuisset.

Patres Cardinales et Episcopi in Sessione Ordinaria diei 8 mensis Novem-

bris anno 2011, audita relatione Excellentissimi ac Reverendissimi Domini

Ioannis Pauli Benotto, Archiepiscopi Pisani, Causae Ponentis, professi sunt

Servam Dei Mariam Annam Amico Roxas virtutes theologales, cardinales

iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico Servae Dei Mariae Annae

Amico Roxas, Christifidelis Laicae et Fundatricis Societatis a Sancta Ursula, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis