115. De Beata Maria V.

1. Benedicta

sit beata Maria,

deitas aeterna

gratia

quam replevit supera.

2 a. Deo credidit,
natum edidit,
de sancto neumate
permanens
integra puerpera.

2 b. Quibus laudibus,
quam sollemnibus
Mariam recolam,
quam tremunt
terra, pontus, aethera?

3 a. Nam constat virgo fecunda,
quam sancti spiritus unda
rigavit caelitus, retinens
pudoris signacula.

3 b. Haec namque mater est illa,
cuius praedulcis mamilla
Iesu infudit labiolis
pia lactis pocula.

4 a. Alti patris theoria

te perfudit totam, o Maria.

4 b. Operanteque sophia

neumatis obumbravit gratia.

5 a. Et nos, quos superna
signavit trinitas, tibi
damus haec praeeonia,

5 b. Quatenus aeterna

tecum in caelo possimus
obtinere gaudia.

6 a. Ultimoque

nos in examine

deleto crimine

tua salvet clementia,

6 b. Quo libere

potentis, Domine,
freti invamine
sequamur, quocunque visa
agni vestigia.

7 a. Angelorum te rogamus
Supplices domina,

7 b. Ut in nos illa dulcia
dirigas lumina.

8 a. Haecnamque devote venerandis
tuis assistit
laudibus et
supplicat turmula,

8 b. Cum superis angelorum choris
ut te collaudet
per omnia
saecula.