116. De Beata Maria V.

1. Ecce, pulchra

2 a. Canamus Mariae
voce praeeonia

2 b. Virginis inclitae
laeti memoria.

3 a. Felix stat nimium
angelorum praecelsa
domina,

8 b. Soli subest sibi

luna caelorum vincens
agmina.

4 a. Prophetis diluculum,
apostolis speculum,
eorum gaudia
sua maiorat excellentia.

4 b. Caritatis gaudio
rosizat martyrio,
rosarum milia
vernant hanc rosam circumdantia.

5 a. Haec est unica,
quae sancta,
tanta, tam benigna,

5 b. Tam theorica
portare
Christum fuit digna.

6a. Tu sponsa Christi,
soror et amica
eius fuisti
mater et pudica,
virtutum cellula,
fumique virgula
aromatum
tendens in superna.

6 b. Stirpe regali
refulgens exorta
lux ab australi
luce luci porta,
lux inoccidua,
sed lux assidua,
qua sanctorum
relucet lucerna.

7 a. Ave, singularis
o virgo virginum,
Ave, stella maris,
salvatrix hominum,
O Maria,
mater pia,
per te nobis
veniat venia.

7 b. Aqua firmamenti
calores temperans,
Esto nostrae menti
medela operans,
O Maria,
vitae via,
nos hinc transfer
ad vitae gaudia,

8 a. Ubi summa

dabitur sanctis gloria ;

8 b. Ibi Deus

erit omnibus omnia.