Congregatio de Causis Sanctorum 1103

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

ARGENTORATENSIS

Beatificationis et Canonizationis Servae Dei Alfonsae Mariae Eppinger (in saec.:

Elisabethae), Fundatricis Congregationis Sororum a Ss.mo Salvatore (1814-1867)

DECRETUM SUPER VIRTUTIBUS

« Omni in re, semper et ubique tantum Deum video, ipsum Deum ».

Hac in cogitatione Servae Dei Alfonsae Mariae Eppinger tota eius vitae

virtutis historia compendiatur, cor eius semper vero amore pro Christo et

desiderio eidem serviendi et eundem Christum in hominibus pervulgandi,

incendebatur.

Serva Dei die 9 mensis Septembris anno 1814, in pago v. d. Niederbronn

Galliae septentrionali in parte orta est, et ad baptismalem fontem nomen

accepit Elisabeth. Natu maxima undecim filiorum, agricolarum sua in mo-

desta familia, se in laboribus consocians et pagi ecclesiam frequentans ado-

levit. Sed quia tenui valetudine semper fuit, nam iam a pueritia frequens

aegrota visa est, legere tantum didicit scribere autem praeter nomen suum

nequiit. Tamen iam ab illis annis a Domini Passionis contemplatione attracta

fuit, gratias singulares obtinens, quibus ad vitae perfectionem adscendere

potuit. Pietate ac virtute de Deo vel de Virgine disceptantes semper frequen-

tare cupit ad animi complementum. Hac re in unionem cum Deo valde

progressa est et praecipue in religioso cultu erga Sanctam Eucharistiam et

magnam et constantem fidem in Dei misericordiam aluit.